Makere guest house

Dei første få dagane bur eg på eit lite pensjonat ved Makere-universitetet i Kampala. Her har dei gode sengar, overraskande god kaffi og mange flotte Lepidoptera og Orthoptera. Derimot synst eg det er i overkant mange stikkemygg og litt for få andre Diptera - Culicider har ikkje mange kule sider.

Eg har òg teke ein del bilete. Bèr over med dårleg kvalitet på nokre av dei; eg er framleis i startgropa som makrofotograf.

Makere guest house. Her bur altså eg fram til torsdag.

Lepidoptera-faunaen er rik og imponerande både på dag- og nattestid.

Afrikas farlegaste dyregruppe, stikkemyggane (Culicidae).

Bronseibis - Plegadis falcinellus (L., 1766)

Biller er veldig takknemlege fotoobjekt.